Feeds:
પોસ્ટો
ટિપ્પણીઓ

Archive for the ‘કાવ્ય’ Category

——————————————————

    – યેશુ

યેશુ ક્રીસ્તે ભક્તજનોને કહ્યું,

સદિયોથી

ક્રોસ ઉપર લટકું છું

માનવ જાતને બચાવવા.

થાકી ગયો છું ,

માણસાઈ બતાવો,

નીચે ઉતારો મને!

——————————————————–

ચિતા

અગ્નિદાહ આપી તને,

જોયું મેં પાછું વળી,

શરીર એકલું

ચાલતુંતું મારું,

પ્રાણ  મારો

ચિતામાં છોડી!

————————————————————–

નિરર્થક

સફર કરી

ઘોડિયાથી

કબર સુધી,

પાડ્યા વગર

પગલાંની

છાપ!

Advertisements

Read Full Post »

જન્મ આપી

પ્રભાતને,

વિલીન થઇ

નિષા ઉજાસમાં………

જન્મ આપી

વર્ષાને,

વિલીન થયું

વાદળું

ગગનમાં………

જન્મ આપી

આંસુને,

વિલીન થયું

દર્દ,

હૃદયમાં……..

જન્મ આપી

પ્રભાતને,

વિલીન થઇ

નિષા,

ઉજાસમાં…….

જન્મ આપી

ભીષ્મને

વિલીન થઇ

ગંગા,

સ્વતઃ માં…….

————–

———————–

એક કોરો કાગળ

મુસલમાન લખે,

કુરાન બને,

ફક્ત એને જ સત્ય ગણે.

ખ્રિસ્તી લખે,

બાઈબલ બને,

ફક્ત એને જ સત્ય ગણે.

હિંદુ લખે,

ગીતા બને,

ફક્ત એને જ સત્ય ગણે

દુનિયાને ધર્મયુદ્ધથી બચાવો,

રહેવા દ્યો, કાગળને,

એક કોરો કાગળ.

Read Full Post »

— સુરજ —

તપેલો થાકેલો સુરજ, 

સાંજે દરિયામાં સ્નાન કરી,

રાત્રે ક્ષિતિજ-ગૃહની શૈયામાં નિદ્રાધીન થયો. 

બીજા દિવસના પરોઢિયે,  

દરિયામાં સ્નાન કરી, 

તાજો નવોદિત સુરજ,

ક્ષિતીજ-ગૃહની બહાર આવી,

ફરી પાછો

ફરજ બજાવવા,
હાજર થયો.

——————————————————

– — સૂર્યાસ્ત —

આખા દિવસનો થાક્યો પાક્યો

સૂરજ
ઘેર આવેલો જોઇને, 

ક્ષિતીજ-ગૃહમાંથી

સ્વાગત કરવા 

શરમાતી દોડતી આવી

સંધ્યા. 

Read Full Post »

પવન સાથે કરેલા
પ્રણય નૃત્ય બાદ
અંતિમ આલિંગન આપી
જ્યોત થઇ વિલીન પવનમાં
ધુમાડો બની!

Read Full Post »

Just One Unknown

One song can spark a moment,
One flower can wake the dream
One tree can start a forest,
One bird can herald spring.

One smile begins a friendship,
One hand clasp lifts a soul.
One star can guide a ship at sea,
One word can frame the goal

One vote can change a nation,
One sunbeam lights a room
One candle wipes out darkness,
One laugh will conquer gloom.

One step must start each journey.
One word must start each prayer.
One hope will raise our spirits,
One touch can show you care.

One voice can speak with wisdom,
One heart can know what’s true,

One life can make a difference,
You see, it’s up to you!
———————————————-

અનુવાદ- વિજય જોશી
એક ગીત એક ક્ષણને ચેતવે
એક ફૂલ  સપનાને જગાડે
એક વૃક્ષ જંગલને બનાવે
એક પક્ષી વસંતને બોલાવે
એક સ્મિત મૈત્રી બનાવે
એક મિલન પ્રાણને ઉઠાડે
એક તારો એક હોડીને માર્ગ દેખાડે
એક શબ્દ મંઝીલને દર્શાવે
એક મત દેશને બદલાવે
એક કિરણ ઘરને ઉજાળે
એક મીણબત્તી અંધારાને ભગાડે
એક હાસ્ય ઉદાસીને હરાવે
એક પગલું સફરનો આરંભ કરે
એક શબ્દ પ્રાર્થનાનો આરંભ કરે
એક આશા ધૈર્ય વધારે
એક સ્પર્શ અનુકંપા બતાવે
એક જીવન દુનિયા બદલી શકે
જોયું, બધું તમારા પર છે!

Read Full Post »

ભગવાન

કીધું મંદિર જઈ ભગવાનના દર્શન કરું

અંદર ફક્ત પથ્થર જોઉં, વિચારું હવે શું કરું

ઉલઝન માં પડું કે આને શું કહું

અસલી કહું કે નકલી કહું

આત્મા કહું કે પરમાત્મા કહું

દેવ કહું કે માનવ કહું

નશ્વર કહું કે ઈશ્વર કહું

મંદિર છોડી બહાર ફરતો રહું

તો પ્રભુને સર્વત્ર અનુભવતો રહું

વિજય જોશી ‘શબ્દનાદ’

Read Full Post »

એ અદભુત બારાત હતી

લગ્નની પહેલી રાત હતી

ફૂલોની સજાવટ હતી

અસહ્ય ઇચ્છાઓ હતી

ધણું બધું પૂછવાનું હતું

કેટલું બધું કહેવાનું હતું

વસ્ત્રોનું બંધન છુટ્યું હતું

અંગમાં અંગ સમાયું હતું

અફસોસ મિલન બેકાર હતું

તારું દિલ તો બીજે ફરાર હતું

 

વિજય જોશી ‘શબ્દનાદ’

 

Read Full Post »

Older Posts »